BESTEIRO DEFENDE NO CONGRESO OS INTERESES DO CERCO GALEGO E ESIXE Á XUNTA E AO GOBERNO “UN NOVO REPARTO DE COTAS MÁIS XUSTO E QUE GARANTICE O EMPREGO NA FROTA”
O secretario xeral dos socialistas
pide en Madrid un acordo entre as administracións galega e central, “xa que
aínda estamos a tempo de conseguilo se hai vontade
política”
Madrid, 14 de marzo
de 2014. O secretario xeral do PSdeG, José Ramón Gómez Besteiro,
defendeu hoxe no Congreso dos Deputados os intereses da frota galega do cerco e
reclamou “un novo reparto de cotas máis xusto, equilibrado e consensuado co
sector, xa que aínda estamos a tempo de conseguilo se hai vontade
política”.
“Onte estiven en Santiago
cos representantes dos traballadores e hoxe estou aquí, no Congreso, con eles e
cos portavoces de Pesca socialistas no Congreso e o Senado para garantizar unha
posición forte e unida dos socialistas, que demandamos un cambio de criterio no
reparto das cotas”, afirma o líder dos socialistas.
Para Besteiro, “o actual
reparto beneficia aos que máis teñen e perxudica aos que menos teñen, é algo que
os socialistas non podemos consentir, e eu, como secretario xeral do PSdeG,
pídolle ao presidente Núñez Feijóo que negocie co Goberno por un acordo máis
xusto para Galicia, que faga como o Executivo de Asturias e defenda aos
traballadores”.
“A distribución das cotas
do xurelo e a cabala ten que estar inspirado en criterios lineais de igualdade,
non poden pesar máis os criterios históricos ou os que benefician máis a unhas
frotas que a outras, a postura dos socialistas é unica en toda España, como
queda hoxe demostrado”, manifestou.
Por este motivo, o
secretario xeral do PSdeG demanda “un acordo entre as Administracións galega e
central que remate coas inxustizas, os socialistas queremos que o emprego dos
pescadores galegos non esté en risco e faremos todo o posible, tamén en
Bruxelas, para esixir unha nova negociación para o conxunto do
sector”.
A portavoz de Pesca do
grupo socialista no Congreso, Consuelo Rumí, respaldou as demandas de Besteiro e
lamentou que “o ministro Arias Cañete esté máis preocupado polo seu futuro
persoal que por defender os intereses da pesca galega e do conxunto de
España”.
Por parte dos
representantes dos traballadores, Juan Manuel Vázquez García, de Portosín,
agradeceu ante os medios de comunicación as xestións do PSdeG no Congreso e
lembrou que os traballadores “só loitan por darlle de comer ás súas familias,
por iso queremos un reparto de cotas xusto, come igual un pescador galego que o
de outro sitio”.
Loved this post?
Then why don't you share It!
0 comentarios to " BESTEIRO DEFENDE NO CONGRESO OS INTERESES DO CERCO GALEGO E ESIXE Á XUNTA E AO GOBERNO “UN NOVO REPARTO DE COTAS MÁIS XUSTO E QUE GARANTICE O EMPREGO NA FROTA” "
Revista de Pladesemapesga
 |
 |
 |
 |
Descárgate GRATIS la APP de Pladesemapesga en tu móvil o PC:
Selecciona tu Sistema Operativo:
En
Suscribirse a Pladesemapesga
Entradas
Comentarios
Publicar un comentario