|
|
AGE asegura que
o que hai detrás do conflito do cerco non é outra cousa que a incapacidade da
conselleira e as súas técnicas mafiosas
· O deputado Juan
Manuel Fajardo insta ao goberno galego a cesar a Rosa Quintana que unha vez máis
demostrou a súa incompetencia como responsable do Medio Rural e do Mar
Santiago de Compostela,
17 de marzo de 2014.- O grupo parlamentar de
Alternativa Galega de Esquerda (AGE) lamenta que a conselleira de Medio Rural e
do Mar, Rosa Quintana, non sea quen de se asumir a súa incapacidade e
responsabilidade no fracaso das negociacións cos mariñeiros do certo. O deputado
de AGE Juan Manuel Fajardo asegura que si “hai algo máis” tras o conflito como
suxeriu a propia Conselleira e que para o deputado de AGE non é outra cousa que
“a súa incompetencia e o uso de técnicas mafiosas que está a empregar nas
negociacións co sector”.
O grupo parlamentar de
AGE esixiu á responsable do Mar en Galicia un cambio de actitude e que manteña
unha postura de boa fe á hora de se sentar a falar co sector lonxe da extorsión
e a presión para que cedan as súas demandas como está a acontecer. Fajardo
destacou o feito de que Galicia a consecuencia do non saber facer da
conselleira, sempre sae perdendo das negociacións como é o caso do sector do
cerco pero tamén no reparto da volanta, ou o acordo pesqueiro asinado con Mauritania. Por iso, Alternativa
Galega de Esquerda entende que o goberno galego debería cambiar canto antes á
responsable de Medio Rural e Mar xa que a señora Rosa Quintana xa deu probas
máis que suficientes da súa incapacidade e o noso país ten xa perdido demasiado
pola súa renuncia a defender os intereses galegos.
|
Entradas
Publicar un comentario