Segunda carta aberta da Plataforma Sarriana polo
Río a D. Agustín Hernández, Conselleiro de Medio Ambiente
1 de
abril de 2014
Sr.
Conselleiro,
Lamentamos
moito ter que comezar esta carta manifestándolle a nosa decepción. Vostede, no
pleno do Parlamento de Galicia do pasado 12 de marzo, comprometeuse a ser
esixente cos aspectos medioambientais do proxecto de encaneamento do río
Sarria. Afirmou que vostede tamén se mollaba polo río.
Hoxe coñecemos
o informe sobre o proxecto, emitido o
pasado 13 de marzo, pola Dirección Xeral de Conservación da Natureza (DXCN).
É ben lamentable, Sr. Conselleiro, que teña que haber un procedemento penal para poder ter acceso a informes que foron
solicitados fai semanas. O caso é que, tras ler dito informe, constatamos
con tristura que a Consellería que vostede encabeza non ten vontade de exercer
as súas competencias en materia de conservación e protección do patrimonio
natural de Galicia. Non se mollou, non, nin a punta do pe.
En primeiro lugar,
Sr. Conselleiro, porque non adoptou medida algunha a pesar de ter constacia de
que o proxecto tiña sido aprobado e as obras iniciadas sen que a Confederación
Hidrográfica do Miño-Sil tivese nin tan siquera solicitado ese informe da DXCN,
informe que constituía unha condición esencial da Resolución sobre a avaliación
ambiental do proxecto.
En segundo
lugar, o informe inclúe consideracions sobre o calendario de obra. Isto lévanos
a deducir que o calendario que se está aplicando desde o inicio (novembro 2013)
non se tiña establecido en colaboración coa DXCN, tal como require a Resolución
citada.
Con respecto
ao calendario, o informe da DXCN esixe, catro meses despois de comezadas as
obras, que os movementos de terra se
executen en período de estiaxe. Pois ben, Sr. Conselleiro, ten que saber
que se están a levar a cabo movementos de terra dende o mes de novembro, non
precisamente no período de estiaxe. Ademáis, eses movementos de terra continúan a realizarse sen adoptar ningunha
precaución para evitar o arrastre da terra á canle do río. E éste é outro
incumprimento mais da Resolución sobre a avaliación ambiental do proxecto.
¿Cantos levamos? ¿Tres?
E chegamos á
parte surrealista do asunto. A DXCN debe emitir un informe sobre a eliminación
de obstáculos na canle. Nese informe opina, repetimos, a Dirección Xeral de
Conservación da NATUREZA, opina sobre a eliminación das pontes (obstáculos
artificiais), pero non considera necesario nin siquera mencionar a eliminación
de outros “obstáculos”, por exemplo, a eliminación total de parte da ínsua do
Toleiro e a excavación de 70 cm . no resto. Non ten nada que dicir a DXCN sobre a
eliminación da cuberta vexetal da ínsua do Toleiro e da ribeira dereita?
Mais ben, Sr. Conselleiro, non pode decir nada. Non pode informar favorablemente
porque esas actuacións son moi cuestionables dende o punto de vista
medioambiental. Pero tampouco pode emitir un informe desfavorable porque alguén
xa decidiu que o proxecto ten que executarse. E se os informes non poden ser
favorables haberá que facer, polo menos, que parezcan favorables. Cómo se
consigue isto? Un método moi utilizado na elaboración e tramitación deste
proxecto é facer como se non existiran as cousas que poden causar problemas.
Por iso o informe da DXCN omite calquer
referencia á eliminación do “bosque de ribera en muy buen estado de
conservación …que, incluso en el tramo urbano, conserva una vegetación arbórea
autóctona considerable”. A frase entre comiñas está sacada dun informe da DXCN
do ano 2009 sobre as canles dos ríos Sarria e Celeiro.
Para terminar,
Sr. Conselleiro, permítanos facerlle unha recomendación. Mesmo estes informes
de puro trámite, hai que intentar facelos un pouco mellor…. Hai que ler o
proxecto, todo non que é moi largo, pero sí as partes mais importantes. Bastaría
ter lido a memoria para saber que o proxecto contempla a demolición da presa
que desvía a auga hacia o Muiño do Toleiro. Porén o informe afirma: “no está
prevista actuación ninguna sobre las dos represas por su influencia
despreciable en los episodios de crecida. No se precisa pues informe alguno de
esta Dirección General al respecto, ya que esos obstáculos no van a ser
eliminados ni modificados”.
Se o resto do
proxecto foi lido coa mesma atención … Entre iso e non querer ver algunhas
cousas … preguntámonos se realmente con este informe se cumpre a esixencia da
Resolución sobre a avalición de impacto ambiental de contar cun informe
favorable da DXCN sobre eliminación de obstáculos na canle.
Sr.
Conselleiro, reciba un atento saúdo,
Limo
sacado do leito do río Sarria ó arrastrar unha árbore talada na outra ribeira o
martes 25/02/14. (Foto: mércores 26/02/14 ás 07h26´39”) GPS: 42.776018, -7.411656
Loved this post?
Then why don't you share It!
0 comentarios to " Dos Idus de marzo ás Calendas de Abril. "
Revista de Pladesemapesga
 |
 |
 |
 |
Descárgate GRATIS la APP de Pladesemapesga en tu móvil o PC:
Selecciona tu Sistema Operativo:
En
Suscribirse a Pladesemapesga
Entradas
Comentarios
Publicar un comentario